News Portal

बनभोज गएको कलेज बस दुर्घटना, २२ जना घाइते

१३७ पटक

काठमाडौं । मदन भण्डारी मेमोरियल कलेजको बस दुर्घटना भएको छ ।

शुक्रबार बिहान सूर्यविनायक नगरपालिकास्थित बनभोजका लागि गएको बस ब्रेक फेल भइ दुर्घटना भएको हो ।

बिहान कलेजबाट भक्तपुरको सुर्यविनायक नगरपालिका ८ घ्याम्पेडाँडा पिकनिकको लागि जाँदै गरेको रिद्दिसिद्दी यातायातको बा ५ ख ४२८६ नं.को बस सडकमै पल्टेको महानगरीय प्रहरी वृत जगातीले जानकारी दिएको छ ।

११ वटा गाडीमा कलेजका विद्यार्थीहरु र शिक्षकहरु बनभोजका लागि गएका थिए । दुर्घटनामा २२ जना घाइते भएका छन् ।

घाइतेमध्ये २ जना गम्भीर छन् भने, अन्य २० जनाको अवस्था सामान्य छ । दुर्घटनाका घाइतेको भक्तपुर अस्पतालमा उपचार भइरहेको छ ।

प्रतिकृया दिनुहोस्