अनलाइन डबली
काठमाडौं । पहिलो दिनमै ठूलो सैन्य क्षति बेहोरेपछि भारतीय प्रधानमन्त्री नरेन्द्र मोदी युद्धबाट पछि हटेका छन् । अप्रेसन सिन्दुर नाम दिएर पाकिस्तानविरुद्ध गरेको आक्रमणको क्रममा पाँचवटा फाइटर जेट गुमाएको भारतले शनिबार विहानसम्म पाकिस्तानको ठूलो हमलाको सामना गर्नुपर्यो ।
शनिबार दिउँसो पाकिस्तानका प्रधानमन्त्री शहबाज शरीफले भारतको आक्रमण विरुद्ध पाकिस्तानले ‘संगठित, सशक्त र निर्णायक जवाफ’ दिएको बताएका छन् । पाकिस्तानमाथि आक्रमण सुरु गरिएको भारतका ठूला सैन्य संरचनाहरूलाई लक्ष्य बनाइएको शरीफले जनाएका छन् ।
भारतले कश्मिरमा एक उच्च अधिकारी पनि गुमाएको छ । भारतले आफैले पाकिस्तानले ४ सय ड्रोन तथा क्षेप्यास्त्र प्रहार गरेको स्वीकार गरिसकेको छ ।
पाकिस्तानले ठूलै जवाफ दिएपछि भारत अब अगाडि नबढ्ने निष्कर्षमा पुगेको बताइएको छ । यो कुराको पुष्टि अमेरिकी राष्ट्रपति डोनाल्ड ट्रम्पले भारत र पाकिस्तानबीच युद्धविराम भएको घोषणा गरेका छन् । ट्रम्पले अमेरिकाको मध्यस्थतामा भएको लामो वार्तापछि युद्धविरामका लागि दुवै देश सहमत भएको दाबी गरेका हुन् ।
ट्रम्पले सामाजिक सञ्जालमार्फत आफूले युद्धविराम घोषणा गर्न पाउँदा खुसी भएको बताउँदै सामान्य ज्ञान र महान वुद्धिमता प्रयोग गरेकोमा दुवै देशलाई बधाइ समेत भनेका छन् ।
तर याे समाचार तयार पार्दासम्म युद्धविरामबारे दुबै देशले कुनै प्रतिक्रिया दिएका छन् ।
