हेटौँडा । मंगलबार राति भएका छुट्टाछुट्टै दुर्घटनामा २ जनाको मृत्यु भएको छ ।
मकवानपुरको हेटौँडा र मकवानपुरगढीमा भएका दुर्घटनामा २ जनाको ज्यान गएको हो भने २ जना घाइते भएका छन् ।
हेटौँडा बजारबाट मकवानपुरगढीतर्फ जाँदै गरेको बा ४ ख ६३५५ नम्बरको टिपरले ठक्कर दिँदा स्थानीयवासी ३४ वर्षिय दीपक पाख्रिनको घटनास्थलमै मुत्यु भएको हो ।
त्यसैगरी हेटौँडा उपमहानगरपालिका–९ पशुपतिनगरमा बाराबाट हेटौँडातर्फ आउँदै गरेको ना ४२ प ७५०६ नम्बरको मोटरसाइकलले ठक्कर दिँदा एक महिलाको मुत्यु भएको जिल्ला प्रहरी कार्यालय हेटौँडाले जनाएको छ ।
मृतकको सनाखत भएको छैन । घाइते हुनेमा मोटरसाइकल चालक पर्सागढी बस्ने ३० वर्षिय कञ्चन ठाकुर र चितवनको भरतपुर महानगरपालिका–१० बस्ने ३५ वर्षिय शर्मिला थापामगर रहेका छन् ।
