News Portal

  • अखिल क्रान्तिकारीका अध्यक्ष विष्टसहित चारजना विद्यार्थी सर्वोच्चको गेटबाट पुनः गिरफ्तार

    ७५९ पटक

    काठमाडौँ । अखिल क्रान्तिकारीका काठमाडाँै अध्यक्ष गोविन्द विष्टसहित चारजनालाई प्रहरीले सर्वोच्च अदालतको गेटबाटै पुनः गिरफ्तार गरेको छ । कालापानीलाई भारतले आफ्नो नक्सामा राखेको विरोधमा आयोजना गरिएको कार्यक्रमबाट विष्टसहित दुईदर्जन विद्यार्थीलाई गिरफ्तार गरेको थियो ।

    प्रहरीले गिरफ्तार गरी बन्दी गैरन्यायीक रुपमा बन्दी बनाएको भन्दै कमल विष्टले दायर गरेको रिटमाथि सुनुवाई गर्दै सर्वोच्च अदालतले शुक्रबार रिहा गर्न आदेश दिएको थियो । तर, सर्वोच्चको आदेशलाई लत्याउँदै प्रहरीले विष्ट र अर्को विद्यार्थी नेता प्रभात भट्टराई पुनः गिरफ्तार गरेको हो । सर्वोच्च अदालतको गेटमा पुगेका निराजन बडुवालसहित दुईजना विद्यार्थीलाई पनि प्रहरीले गिरफ्तार गरेको छ ।

    प्रहरीले अदालतको आदेशविरुद्ध कुटपिट गर्दै पुनः गिरफ्तार गरेको भन्दै अखिल क्रान्तिकारीले आपत्ति जनाएको छ ।

    प्रतिकृया दिनुहोस्