काठमाडौं । नवनियुक्त मन्त्रीहरूलाई स्वागत गर्नका लागि सिंहदरबारमा कर्मचारीहरू हातमा फूलमाला बोकेर लामबद्ध लाइन बसेका छन् ।
प्रधानमन्त्री केपी शर्मा ओलीले बुधबार राति मन्त्रिमण्डल पुनगठन गरी ६ मन्त्री र ३ राज्यमन्त्रीहरूलाई नियुक्त गरेका थिए ।
नवनियुक्त मन्त्री र राज्यमन्त्रीहरुले बिहीबार करिब ११ बजे राष्ट्रपति कार्यालय शीतल निवासमा पद तथा गोपनीयताको शपथ लिएका छन् ।
नवनियुक्त मन्त्रीमा रामेश्वर राय यादव श्रम रोजगार तथा सामाजिक सुरक्षा, हृदयेश त्रिपाठी संघीय मामिला तथा सामान्य प्रशासन, लेखराज भट्ट उद्योग वाणिज्य तथा आपूर्ति, घनश्याम भुसाल कृषि तथा पशुपन्छी विकास र पार्वत गुरुङ महिला बालबालिका तथा ज्येष्ठ नागरिक, बसन्तकुमार नेम्वाङ भैतिक पूर्वाधार तथा यातायात, रहेका छन् ।
त्यस्तै मोतिलाल दुगड उद्योग वाणिज्य तथा आपूर्ति राज्यमन्त्री, नवराज रावत स्वास्थ्य तथा जनशंख्या राज्यमन्त्री र रामवीर मानन्धर शहरी विकास राज्यमन्त्रीमा नियुक्त भएका हुन् ।
