धनगढी । कञ्चनपुरको कृष्णपुर नगरपालिका-२ वाणीमा गएराति मोटरसाइकल दुर्घटनामा परी दुई युवकको मृत्यु भएको छ ।
अनटेस्ट पल्सर मोटरसाइकल सडकछेउ रोकिराखेको ना ३ ख १४२४ नं.को ट्रकमा ठोक्किँदा मोटरसाइकलमा सवार कृष्णपुर नगरपालिका-३ देखतभूलीका २४ वर्षिय दिनेश राना र २० वर्षीय सुनिल रानाको मृत्यु भएको प्रहरीले जनाएको छ ।
मोटरसाइकल ट्रकमा ठोक्किएपछि सख्त घाइते भएका दुवैलाई उपचारका लागि सेती प्रादेशिक अस्पताल धनगढी पुर्याए पनि उपचारका क्रममा दुवैको मृत्यु भएको हो । मृतक दुवैको शव परीक्षणका लागि अस्पतालमा राखिएको छ ।
