News Portal

  • सौताको विभत्स हत्या

    ६०० पटक

    काठमाडौं । एक महिलाले धारिलो हतियार प्रहार गरी आफ्न सौताको विभत्स हत्या गरेकी छिन् ।

    चक्रघट्टा गाउँपालिका ४ सर्लाहीकी ३५ वर्षिय कोरैसा खातुनले २२ वर्षिय खुर्सिदा खातुनको हत्या गरेकी हुन् । मंगलबार साँझ कोरैसाले खुर्सिदाको हत्या गरेको प्रहरीले जनाएको छ ।

    ‘घरभित्रै पराल काट्ने फलामको धारिलो हतियारले शरिरका विभिन्न अंग काटेर टुक्रा टुक्रा पारेको रहेछ’ प्रहरी उपरिक्षक गोपालचन्द्र भट्टराइले जानकारी बताए । उनका अनुसार विभत्स ढंगले हत्या गरी टुक्रा टुक्रा पारेको शवलाई झोलामा हालिएको रहेछ । शव फाल्न लागेको समयमा प्रहरीले कोरैसालाई पक्राउ गरेको हो ।

    स्थानीय बासिन्दाका अनुसार दुई सौताबिच बेला बेला झगडा हुन्थ्यो । श्रीमान शेख बलाल वैदेशिक रोजगारीका लागि घरबाट हिंडेको ४ दिनपछि घटना घटेको हो । घरमा एक अशक्त सासु मात्रै छिन् ।

    प्रतिकृया दिनुहोस्