News Portal

  • लिपुलेक-कालापानी अतिक्रमणको विरोध प्रदर्शनमा जाँदा बम विस्फोटको मुद्दा

    १४३४ पटक

    काठमाडौँ । भारतले कालापानी, लिपुलेक क्षेत्रमा गरेको सीमा अतिक्रमणको विरोध गर्दै गर्दा एक विद्यार्थीलाई प्रहरीले गिरफ्तार गरेको थियो ।

    अछाम पञ्चदेवल विनायक नगरपालिका निवासी छत्र बिकलाई बम विस्फोट मुद्दा लगाइएको छ । बुधबार काठमाडौं जिल्ला अदालतका न्यायाधीश मुकेश उपाध्ययको इजलाशले बिकलाई अनुसन्धानको लागि पुर्पक्षामा पठाउन आदेश दिएको छ । बिकको उमेर १७ वर्ष मात्रै भएकोले पुर्पक्षाको बाल विकास केन्द्र पठाउने अदालतले आदेश दिएको हो ।

    विप्लव नेतृत्वको नेकपा निकट अखिल क्रान्तिकारीले यही २४ गते लिपुलेक-कालापानीमा भारतीय अतिक्रमणविरुद्ध गरेको विरोध प्रदर्शनको क्रममा माइतीघरबाट बिकलाई प्रहरीले गिरफ्तार गरेको थियो । गत जेठ १२ गते अनामनगरको घट्टेकुलामा भएको बम विस्फोटमा जोडेर बिकलाई सो आदेश दिएको हो ।

    बिकको तर्फबाट अधिवक्ता कपिलचन्द्र पोखरेल र कान्तीराम ढुंगानाले बहस गरेका थिए । उनीहरुले उक्त घटनामा बिक निर्दोष भएको दाबी गर्दै नाबालक भएकोले धरौटीमा रिहा गरेर अनुसन्धान गर्न माग गरेका थिए ।

    अदालते बिकलाई अदालतले भक्तपुरस्थित बाल विकास केन्द्र पठाउने आदेश दिएको छ । नावलक भएकोले कानुनी उपचार बाँकी रहेको बताइएको छ ।
    अदालतमा बिकले बयनको क्रममा उक्त बम विस्फोटसँग आफ्नो संलग्नता नभएको बताएका थिए । उनले कोठा आफ्नो भएको तर त्यो दिन आफू आफन्तकहाँ गएको बयन दिएका थिए ।

    “कलेजमा चिनजान भएका दाईहरुले हामी दिउँसो बस्छौ भन्नुभयो, मैले चावी दिएर गएँ । पछि बम विस्फोट भयो भन्ने सुनियो । डरले त्यो दिनदेखि कोठामा गइन्” बिकले बयनको क्रममा भनेका थिए ।

    बम विस्फोटमा परी प्रज्ज्वल शाहीको मृत्यु भएको थियो भने रविन केसी घाइते भएका थिए । केसीलाई पनि दोषी भन्दै प्रहरीले अस्तापलबाटै गिरफ्तार गरेको थियो । अदालतले केसीलाई पुर्पक्षाको लागि जेल चलान गरेको थियो ।

    प्रहरीले बम विस्फोट भएको कोठाबाट बिकको नागरिकता बरामद गरेको थियो । त्यही आधारमा उनलाई प्रहरीले बम विस्फोटविरुद्धको मुद्दामा फरार सूचीमा राखेको थियो ।

    प्रतिकृया दिनुहोस्