News Portal

  • २०० जना अवैध आप्रवासी लिबियाबाट फिर्ता

    ३०३ पटक

    काठमाडौं । लिबियाको पूर्वी शहर बेंगाजीस्थित अध्यागमन विभागले झण्डै २०० जना अवैध आप्रवासीलाई इजिप्ट फर्काएको छ ।

    विभागका अनुसार फर्काइएका अवैध आप्रवासीमध्ये १९४ जना इजिप्टका नागरिक हुन् । आधिकारिक कागजात नभएका उनीहरुमा संक्रामक रोगसमेत देखिएको थियो ।

    अन्तर्राष्ट्रिय आप्रवास संगठनले हालै मात्र लिबियामा ६ लाख ५० हजार अवैध आप्रवासी रहेका र तीमध्ये करिब ६०० जनालाई थुनामा राखिएको जनाएको छ ।

    थुनामा राखिएकामा महिला र बालबालिका छन् । युरोप प्रवेश गर्न चाहने हजारौं आप्रवासी लिबियाको मार्ग प्रयोग गर्दछन् । अवैध आप्रवासीमध्ये अधिकांश अफ्रिकी मूलका व्यक्तिहरु रहने गरेका छन् ।

    तर लिबियामा जारी असुरक्षा र अव्यवस्थाका कारण आप्रवासीमाथि आक्रमण हुने गरेको छ । अवैध आप्रवासीलाई राख्न बनाइएका अस्थायी शिविर पनि खचाखच भरिएको छ । सन् २०११ मा लिबियाका नेता महमर गद्दाफीको शासन पतन भएपछि लिबियामा सुरक्षा व्यवस्था नाजूक रहेको छ ।

    प्रतिकृया दिनुहोस्