काठमाडौँ । भारतले नेपालीभूमी फेरि अतिक्रमण गरेको भन्दै युरोपभर विरोध भइरहेको छ । युरोपमा रहेका नेपालीहरुले नेपालीभूमी नयाँ नक्सामा गाभेको भन्दै भारतविरुद्ध संघर्षका कार्यक्रम समेत घोषणा गरेका छन् ।
युरोपस्थित नेपाली जनप्रगतिशील मोर्चाले विरोध जनाएको हो । विप्लव नेतृत्वको नेकपा निकट मोर्चाले भारतको नेपालीभूमीलाई नांगो रुपमा आफ्नो देशभारतले अन्यायपूर्ण तरिकाले नेपालीभूमी अतिक्रमण गरेको भन्दै विरोध जनाएको छ ।
बेल्जियम, जर्मनी, स्पेन, पोर्तुगल, पोल्यान्ड र बेलायतको तर्फबाट जारी गरिएको विज्ञप्तिमा राजनीतिक शक्तिलाई प्रतिबन्द लगाउने तर आफ्नो भूमीको रक्षा गर्न नसकेको भन्दै सरकारको समेत विरोध गरको छ । संयुक्त विज्ञप्तिमा सरकारको फासिवादी र आत्मसमर्पणवादी चरित्रकै कारण भारतले नेपालीभूमी अतिक्रमण गरेको बताएको छ । उसले भारतको नयाँ नक्सा खारेजको माग समेत गरेको छ ।
यसैगरी मलेसियास्थित मोर्चाको अध्यक्ष विजय लामा र महासचिव तुफान सिंहले विज्ञप्ति जारी गरेर भारतीय अतिक्रमणको विरोध जनाएका छन् । विज्ञप्तिमा नेपालीभूमी रक्षाको लागि आवश्यक परे लडाइँ लड्नु पर्ने त्यसको लागि सबै तयार हुनुपर्ने बताएका छन् ।
मोर्चाका साउदी केन्द्रीय समितिले पनि विज्ञप्ति जारी गरेर विरोध जनाएको छ । अध्यक्ष युवराज कार्की ‘शेखर’ले विज्ञप्ति जारी गरेर नेपालले जनगणना गरेको र कर लिएका भूभागलाई भारतले आफ्नो नक्साभित्र पारेको भन्दै विरोध जनाएका छन् ।
कार्कीले नेपालीभूमी फिर्ता गर्न भारतलाई आग्रह गर्नुको साथै आफ्नो भूमीको रक्षा गर्न सबै नेपालीसँग अपील गरेका छन् ।
