काठमाडौं । कम्पनीले भाडामा लिएको घरमा गोली चल्दा ५ जनाको मृत्यु भएको छ ।
पार्टी आयोजक तथा त्यसमा सहभागी हुने पाहुनाबाट हुन सक्ने अपमानजनक तथा अपराधजन्य घटनाबाट मुक्ति पाउनका लागि यस्तो निर्णय लिइएको कम्पनीले जनाएको छ ।
क्यालिफोर्नियाको सन फ्रान्सिस्को नजिकै ओरिन्डा बजारमा रहेको घरमा भएको अन्धाधुन्ध गोली प्रहारमा ३ जनाको घटनास्थलमै र २ जनाको उपचारको क्रममा अस्पतालमा मृत्यु भएको अन्तर्राष्ट्रिय सञ्चार माध्यमले जनाएको छ ।
हलोविनको अवसर पारेर शुक्रबार आयोजना भएको सो हाउस पार्टीमा सुरुमा थोरै मानिस थिए । पछि मानिसहरु थपिँदै गएर एक सय जना भन्दा बढी पुगेका थिए ।
आयोजकले पार्टीका लागि स्वीकृति लिएका थिएनन् । पार्टी चलिरहेकै क्रममा अन्धाधुन्ध गोली चल्दा ५ जनाको मृत्यु भएको हो र मृत्यु हुने सबै ३० वर्ष भन्दा मुनिका छन् ।
