आज :

विश्‍वभर भाइरल समाचारः चीनलाई टुक्राउन प्रयास गर्नेको हड्‍डी धुलो बनाइदिन्छौंः चिनियाँ राष्ट्रपति सी

काठमाडौं । चिनियाँ राष्ट्रपति सी चिनफिङले नेपालको दुईदिने भ्रमण सकेर स्वदेश फिर्ता भइसक्दा पनि विभिन्न संचारमा समाचारले प्राथमिकता पाइरहेको छ । नेपाली मिडियाले भ्रमणको लाइभदेखि दिनेदेखि सम्झौतालाई उच्च प्राथमिकता दिएका छन् । सी आउनेअघि नेपाली मिडियाले जति प्राथमिकता दिएका थिए त्यसको कयौं गुणाबढी फर्केपछि दिइको पाइन्छ ।

चिनियाँ राष्ट्रपति सीको भ्रमणलाई नेपालका राजनीतिक दलले पनि सकारात्मक सन्देश छोडेको बताएका छन् । तर अन्तर्राष्ट्रिय संचारमाध्यमहरुले भने सीले चीन विरोधी गतिविधिबारे बोलेको भनाइलाई प्राथमिता दिएका छन् । सीको भ्रमणले एक हप्ता पार गर्न लाग्दा पनि अन्तर्राष्ट्रिय संचारमाध्यमहरुले सीले भ्रमणको बेला बोलेको उक्त भनाईलाई प्राथमिकता दिइरहेका छन् ।

राष्ट्रपति सीले प्रधानमन्त्री केपी शर्मा ओलीसँगको भेटमा चीनलाई टुक्र्याउने प्रयास गर्नेको हड्डी धुलो बनाइदिने चेतावनी दिएको भन्दै अन्तर्राष्ट्रिय संचारमाध्यमहरुले समाचार प्रकाशित गरिरहेका छन् । भेटमा सीले कठोर चेतावनी दिँदै ‘चीनलाई टुक्र्याउने प्रयास गर्नेको हड्डी धुलो बनाउने’ बताएको समाचारमा बताइएको छ ।

चिनियाँ सरकारी समाचार संस्था ‘सिन्ह्वा’ले प्रकाशित गरेको समाचारलाई चिनियाँ र अन्य देशका संचारमाध्यमहरुले अहिलेसम्म पनि प्राथमिकता दिइरहेका छन् । समाचारमा सीले प्रधानमन्त्री ओलीसँग अत्यन्त कठोर भाषामा चीनलाई टुक्राउने प्रयास गर्नेहरुको हड्डी धुलो बनाइदिने धम्की दिएको पनि जनाएको छ ।

”यदी चीनको कुनैपनि हिस्सालाई टुक्राउने कोशिश मात्र गरियो भने तिनको हड्डी धुलो बनाइनेछ । यस्तो प्रयास सफल होला भन्ने सोचेर समर्थन गर्ने बाह्य शक्तिको दिवा सपनामात्र हुनेछ” समाचारमा सीको भनाईलाई उदृत गरिएको छ ।

सीको उक्त भनाइलाई चिनियाँ संचारमाध्यमहरुले ”चीनको कुनै पनि भागमा अलगाववादी गतिविधिका प्रयास गर्ने जो कोहीलाई कुल्चिइनेछ र त्यस्ता प्रयासलाई समर्थन गर्ने कुनै पनि बाह्य शक्तिलाई चिनियाँहरूले पाइप–सपनाको रूपमा लिनेछन्” समाचारमा लेखेका छन् ।

समाचारमा सीले तिब्बतसँगै हङकङ र ताइवानलाई लिएर सो भनाई आएको बताइएको छ । भ्रमणको क्रममा दुईदेशबीच भएको सम्झौता भन्दा यो समाचारले प्राथमिकता पाएको छ ।

एजेन्सीहरुको सहयोग तयार गरिएको सामाग्री

प्रतिक्रिया

About us

डबली मिडिया प्रा.लि.द्वारा सञ्चालित डिजिटल न्युज पोर्टल अनलाइन डबली डटकम २०७१ सालदेखि निरन्तर चलिरहेको छ।
हामीले खासगरी खोजमूलक समाचारलाई स्थान दिने गरेका छौं । सन्तुलित विचार र समाचार सामाग्री हाम्रो अनलाइनको प्राथमिकता हो ।

सम्पर्क

Dabali Media Pvt. Ltd.
Anamnagar Kathmandu
Phone : 01-4771244
[email protected]
[email protected]

हाम्रो टीम

डबली मिडिया प्रा.लि. द्वारा संचालित 
अनलाइन डबली डटकम को लागि

अध्यक्षः दिपेन्द्र रावल
सम्पादकः धनन्‍जय बुढा

कार्यकारी सम्पादक : देवीराम देवकोटा
दर्ता नं. १५४/०७३-७४

Copyright © 2021 Online Dabali | Powered By EasySoftnepal