News Portal

टी-२० महिला क्रिकेटमा काठमाडौंको पहिलो जित

३८४ पटक

काठमाडौं । वुमेन च्याम्पियन्स लिग (डब्लुसीएल) महिला टी-२० क्रिकेटमा क्वाट क्वीन्स काठमाडौंले पहिलो जित निकालेको छ ।

बिहीबार कीर्तिपुरस्थित त्रिवि अन्तर्राष्ट्रिय क्रिकेट मैदानमा भएको खेलमा क्वाट क्वीन्स काठमाडौंले पोखरा पल्टनलाई ८२ रनले पराजित गरेको छ । काठमाडौंले दिएको १५३ रनको फराकिलो लक्ष्य पछ्याएको पोखरा १६ ओभर ५ बलमा ‘अलआउट’ हुनुपूर्व ७० रनमै समेटियो ।

पोखरालाई सस्तैमा समेट्न काठमाडौंकी सरस्वती कुमारी र अप्सरी बेगमले समान २-२ विकेट लिए । त्यसअघि, टस हारेर पहिले ब्याटिङ गरेको काठमाडौंले २० ओभरमा ५ विकेट गुमाएर १५२ रन बनायो ।

उसका लागि कप्तान रुबिना क्षेत्रीले अविजित ८३ रन जोडिन् । रुबिनाको अर्धशतक जारी प्रतियोगिताको पहिलो अर्धशतक हो । ‘प्लेयर अफ दी म्याच’ घोषित हुँदै उनले ५ हजार रुपैयाँ पाइन् । बलिङतर्फ पोखराकी अनुराधा चौधरीले ४ विकेट लिइन् ।

जितसँगै काठमाडौंले २ खेलमा २ अंक जोडेको छ । पहिलो खेलमा काठमाडौंलाई बुधबार चितवन राइनोज्ले ५ विकेटले हराएको थियो । प्रतियोगितामा काठमाडौं, लतिलपुर, पोखरा, चितवन र विराटनगरका ५ टोली सहभागी छन् ।

प्रतिकृया दिनुहोस्