News Portal

  • पूर्वमाओवादी खेमाले सभामुख नछाड्ने भएपछि नेकपाभित्र विवाद

    ६६३ पटक

    काठमाडौं । सत्तारुढ दल नेकपाभित्र पूर्वमाओवादी खेमाले सभामुखमा दाबी गरेपछि सभामुख चयन अल्मलिएको छ ।

    संविधानत सभामुख र उपसभामुख एउटै दलको हुन नमिल्ने भएपछि पूर्व एमाले पंक्ति वर्तमान उपसभामुखलाई नै सभामुख बनाउनुपर्ने पक्षमा उभिएपछि सभामुख चयन प्रक्रिया नेकपाका लागि नै भारी पर्ने संकेत देखिएको हो ।

    बलात्कार अभियोगमा कृष्णबहादुर महराले पदबाट राजीनामा दिएपछि सभामुख पद अहिले खाली छ । सभामुख चयनका लागि प्रतिनिधिसभा बैठक आवश्यक हुन्छ । तर अहिले संसदको अधिवेशन नै बसेको छैन ।

    संसदको अधिवेशन लगायतका प्रविधिक कुरा भन्दा पनि सभामुख कस्ले पाउने भन्ने विषय अहिले पेचिलो बनेको छ । संविधानत उपसभामुख शिवमाया तुम्वहाम्फे त्यही पदमा रहँदासम्म नेकपाले सभामुख दाबी गर्न पाउने अवस्था छैन ।

    दुई तिहाइ मतको नजिक रहेको नेकपाले सभामुख अन्य दललाई छोड्ने वाला छैन । सभामुख आफुहरु कुनै पनि हालतमा छोड्ने मुडमा नरहेको नेकपा नेता हरीबोल गजुरेल बताए । यदि नेकपाले सभामुखमा दाबी गर्ने हो भने उपसभामुख शिवमायाले राजिनामा दिनुपर्ने हुन्छ ।

    उपसभामुख राजीनामा दिने मुडमा छैनन् । पार्टी एकीकरणपूर्व राष्ट्रपति, प्रधानमन्त्रीसहित सभामुखको पद भागबण्डा गर्दा सभामुख तत्कालिन माओवादी र उपसभामुख एमालेको भागमा परेको थियो । पूर्वमाओवादी खेमा अहिले पनि सभामुख आफुहरुले पाउनुपर्ने पक्षमा रहेको छ ।

    प्रतिकृया दिनुहोस्