काठमाडौँ । जबरजस्ती करणकी आरोपसँगै सभामुखबाट राजिनामा दिएका कृष्णबहादुर महराविरुद्ध बलात्कार प्रयासको मुद्दा दर्ता भएको छ । रोशनी शाहीले महराविरुद्ध नयाँ बानेश्वर प्रहरी वृत्तमा जबरजस्ती करणी उद्योगमा मुद्दा दर्ता गरेकी हुन् ।
रोशनीले महराविरुद्ध शुक्रबारै किटानी जाहेरी दिएपनि शनिबार मात्रै सार्वजनिक भएको छ । महराले रोशनीलाई रक्सी पिएर कुटपिट तथा बलात्कार गरेको आरोप लागेको छैटौं दिनमा उजुरी दर्ता भएको छ । घटना सार्वजनिक भएको केही घण्टामै रोशनीले महरा निर्दोष रहेको बताएकी थिइन् । योसँगै महरा कानुनी प्रक्रियाबाट बचेको चर्चा लगेको छ ।
महरालाई कानीनी रुपमा बचाउन पार्टीका उच्च नेता नै लागेको बताइरहेको बेला रोशनीले बलात्कारको उजुरी दर्ता गरेको हुन् । योसँगै महरा प्रकणले नयाँ मोड लिएको छ । महरालाई छानविनको प्रक्रियामा ल्याउने पर्ने भन्दै चौतर्फी दवाव बढिरहेको बेला उजुरी दर्ता भएको छ । एकथरीले प्रमाण नष्ट गरेपछि उजुरी दर्ता गरिएको बताउन सुरु गरेका छन् । उनिहरुले महरालाई चोख्याउन उजुरी गर्ता गरिएको हुन सक्ने भन्दै प्रमाण नष्ट गर्न नदिन सचेत हुनुपर्ने बताउछन् ।
रोशनीले सुरुपमा महराले बलात्कार गरेको भन्दै संचारमाध्यमलाई अन्तरवार्ता दिएकी थिइन् । त्यसपछि अर्को संचारमाध्यमलाई फेरि महरा कोठामै नआएको र निर्दोष रहेको बताएकी थिइन् । हो र होइन भन्ने चर्चाबीच विहीबारै रोशनीको स्वास्थ्य परीक्षण समेत गरिएको छ ।
महराले आफू रोशनीको कोठामा नगएको बताएका थिए तर सिसि टिभी फुटेजले त्यसलाई खण्डन गरेको छ ।
महराले सामाजिक संजालमा र फोनमा रोशनीसँग गरेको कुराकानीबाट पनि उनको दाबी झुट भएको पुष्टी भइसकेको छ।
स्रोतका अनुसार गृहमन्त्री रामबहादुर थापाले महरालाई गिरफ्तार गरी छानविन गर्न प्रहरीलाई निर्देशन दिइसकेका छन् । उता महरालाई सांसदबाटै बर्खास्त गर्न (नेकपा)कै नेताहरुले प्रधानमन्त्री केपी शर्मा ओली र अध्यक्ष प्रचण्डलाई दवाव दिइरहेका छन् ।
उजुरी दर्ता गरेको सार्वजनिक भएसँगै सामाजिक संजाल प्रयोगकर्ताहरुले बाउ सरहका महराले कसरी बलात्कार गरे भन्दै रोशनीलाई प्रश्न गरेका छन् ।
