News Portal

  • नेपाल टेलिकममा ३७ हजार फोरजीका ग्राहक थपिए

    ३८१ पटक

    काठमाडौं । एकै दिन ३७ हजार फोरजी प्रयोगकर्ता नेपाल टेलिकममा थप भएका छन् ।

    बुधबार देशका विभिन्न ५ दर्जन सहरमा फोरजी विस्तार गरेको एक दिनमै सो संख्या बराबरका ग्राहक फोरजी सेवामा आबद्ध भएको कम्पनीका प्रबन्ध निर्देशक डिल्ली अधिकारीले जानकारी दिए ।

    उाका अनुसार यो संख्या पुराना टूजी र थ्रीजी प्रयोगकर्ता फोरजीमा आबद्ध भएका हुन् । संख्यात्मक हिसाबले एकै दिन थप भएका फोरजी ग्राहकमध्ये यो अहिलेसम्मकै उच्च हो ।

    ३ वर्ष अगाडि फोरजी सेवा सुरु गरे पनि टेलिकमका अहिलेसम्म ८ लाख मात्र फोरजी ग्राहक थिए । बुधबार यो सेवा विस्तार भएसँगै फोरजीमा आबद्ध हुने ग्राहकको संख्या तीव्र रूपमा बढेको उनले बताए ।

    टेलिकमको फोरजी-एलटीई नेटवर्क विस्तार परियोजना अन्तर्गत करिब ६५ लाख फोरजी ग्राहक थप हुने अनुमान गरेको छ । हाल विस्तार भइरहेको नेटवर्कको अधिकतम क्षमता नै त्यति भएकोले ग्राहक वृद्धिमा यसले सहयोग पुर्याउने अधिकारीको विश्वास छ ।

    प्रतिकृया दिनुहोस्