काठमाडौँ । नेपाल कम्युनिस्ट पार्टीका युवा नेता केदार खतिवडालाई प्रहरीले गिरफ्तार गरेको छ । बुधबार साँझ खतिवडालाई प्रहरीले काठमाडौँस्थित कोठाबाटै गिरफ्तार गरेको हो ।
खतिवडाकी पत्नी गिता सिलवालका अनुसार बुधबार साँझ कोठाबाटै प्रहरीले कता लिने भन्नेबारे कुनै जानकारी नदिएरै भ्यानमा राखेर प्रहरीले लगेको थियो । अहिले खतिवडालाई महानगरिय प्रहरी परिसर टेकुमा राखिएको बताइएको छ ।
खतिवडा यसअघि ६ महिना हिरासत बसाई पछि अदालतको आदेशमा हालै रिहा भएका थिए ।
खतिवडालाई गैरन्यायीक रुपमा गिरफ्तार गरेको भन्दै पत्नी सिलवालले सर्वोच्च अदालतमा बन्दी प्रत्यक्षीकरणको रिट दायर गर्ने तयारी गरेकी छन् ।
