News Portal

  • भारतीय खेलाडीलाई हराउँदै दाहालले जिते स्वर्ण पदक 

    ३४४ पटक

    काठमाडौं । नेपाली ब्याडमिन्टन खेलाडी प्रिन्स दाहालले भारतीय खेलाडीलाई हराउँदै स्वर्ण पदक जितेका छन् । दुबई जुनियर इन्टरनेश्नल सिरिजमा प्रतियोगिताको यूथ नाइन्टिन पुरुष एकल स्पर्धामा भारतीय खेलाडी वरुण कपुरलाई हराउँदै प्रिन्सले स्वर्ण जितेका हुन् ।

    प्रिन्सले विश्व वरियतामा नवौं स्थानमा रहेका कपुरलाई २१–१९ र २१–१९ को सोझो सेटमा हराए । क्वाटरफाईनलमा भारतकै अर्का खेलाडी रोहण गुर्बानीलाई हराउँदै प्रिन्स सेमिफाइनलमा पुगेका थिए ।

    सेमिफाइनलमा भने युएईकै खेलाडी बसन्त कुमार राजेन्द्रनलाई स्तब्ध पार्दै प्रिन्सले भारतका कपूरविरुद्धको फाइनल भिडन्त तय गरेका थिए । फाइनलमा जित हात पार्दै प्रिन्सले आफ्नो लोभलाग्दो खेल करियरमा अर्को एउटा अन्तर्राष्ट्रिय उपाधि थपेका छन् ।

    प्रतिकृया दिनुहोस्