सुखड । समुदाय प्रहरी साझेदारी अन्तर्गत कैलालीको घोडाघोडी नगरपालिका १ सुखडमा लागु औषध नियन्त्रण सम्बन्धी अन्तक्र्रिया भएको छ ।
ईलाका प्रहरी कार्यालय सुखडको आयोजनामा शान्त र सुरक्षित समाज निर्माण गर्ने उदेश्यले अन्तरक्रिया कार्यक्रम गरिएकोे हो ।
कार्यक्रममा घोडाघोडी नगरपालिकाका प्रवक्ता मनराज शाही, स्वास्थ्य शाखा प्रमुख हेमराज बुढा, घोडाघोडी उद्योग वाणिज्य संघका अध्यक्ष जियालाल आचार्य र नगरपालिका क्षेत्रमा स्वास्थ्यकर्मी तथा अस्पताल र क्लिनिक सञ्चालकहरु सहभागिता रहेका थिए ।
उनीहरुले अहिले लागुऔषध सेवनकर्ता बढेकोे प्रति चिन्ता ब्यक्त गर्दै न्युनिकरणमा सबैले लाग्नुपर्ने धारणा राखे । ईलाका प्रहरी कार्यालय सुखडका प्रमुख प्रहरी निरिक्षक हरी शरण भट्टले समाजमा शान्ति सुरक्षा र लागुऔषध नियन्त्रणका लागि कटिबद्ध भएर लाग्ने प्रतिबद्धता व्यक्त गरे ।
त्यस्तै घोडाघोडी अस्पतालका सञ्चालक विष्णु सापकोटाले नगर क्षेत्रका अस्पताल र स्वास्थ्य चौकीहरुको नियमन र नविकरण गर्ने कार्यमा नगरपालिका चुकी रहेको बताए ।
फरक प्रसंगमा बोल्दै घोडाघोडी नगरपालिकाका स्वास्थ्य शाखा प्रमुख हेमराज बुढाले अहिले डेंगो संक्रमण बढेकोले संवेदनशिल हुन र समयमै उपचार गर्न आग्रह गरे ।
कार्यक्रममा घोडाघोडी नगरपालिकाले स्वास्थ्य क्षेत्रलाई गम्भिरताका साथ नलिएको भन्दै आलोचना बढेपछि नगर प्रवक्ता मनराज शाहीले अगामी दिनमा नगरपालिकाको स्वास्थ्य शाखासंग सहकार्य गर्दै अगाडी बढ्ने बताए ।
