News Portal

  • प्रहरीले गोली चलायो, एक जना पक्राउ

    १६१ पटक

    वीरगन्ज । प्रहरीको गोली लागेर एक जना वीरगञ्जमा घाइते भएका छन् ।

    वीरगञ्ज महानगरपालिका-१६ इनर्वा स्थायी ठेगाना बताउने २६ वर्षिय सन्तोष दासलाई नियन्त्रणमा लिने क्रममा प्रहरीले गोली चलाएको हो ।

    उनको साथबाट एक थान पेस्तोल र १७ राउन्ड गोलीसमेत बरामद गरेको प्रहरीले जनाएको छ । गएराति वीरगञ्ज महानगरपालिका १३ राधेमाईमा नियमित चेकिङ गर्ने क्रममा प्रहरीलाई नै पेस्तोल देखाउँदै भागेपछि उनलाई गोली हानेर पक्राउ गरिएको जिल्ला प्रहरी कार्यालय पर्साले जनाएको छ ।

    उनको दाहिने घुँडामा एक राउन्ड गोली लागेको छ । उनको नारायणी अस्पतालमा उपचार भइरहेको र अवस्था सामान्य रहेको बताइएको छ । उनी पहिले आपराधिक क्रियाकलापमा संलग्न रहेको पत्ता लागेको छ ।

    प्रहरीका अनुसार यसअघि एक मुद्दामा उनले करिब १० वर्ष जेल सजाय भोगेका छन् ।

    प्रतिकृया दिनुहोस्