News Portal

  • उत्तर कोरियाद्वारा फेरि दुईओटा क्षेप्यास्त्र प्रक्षेपण, जापानमा खसे

    २१३ पटक

    काठमाडौं । उत्तर कोरियाले फेरि दुईओटा क्षेप्यास्त्र प्रक्षेपण गरेको छ । उत्तर कोरियाले ८ दिनभित्र तेस्रोपटक क्षेप्यास्त्र प्रक्षेपण गरेको हो ।

    अन्तर्राष्ट्रिय संचारमाध्यमहरुका अनुसार उत्तर कोरियाले शुक्रबार बिहान देशको पूर्वी तटीय क्षेत्रमा दुईओटा क्षेप्यास्त्र प्रहार गरेको दक्षिण कोरियाका अधिकारीहरुले जनाएका छन् ।

    अमेरिका र दक्षिण कोरियाबीच यसै महिना संयुक्त सैन्य अभ्यास गर्ने योजनाप्रतिको प्रतिक्रियाकारूपमा उत्तर कोरियाले परीक्षण गरेको हुनसक्ने बताइएको छ ।

    दक्षिण कोरियाली सेनाका ‘जोइन्ट चिफ अफ स्टाफ’ले स्थानीय समयअनुसार शुक्रबार बिहान २ बजेर ५९ मिनेट र ३ बजेर २३ मिनेटमा उत्तर कोरियाले ती क्षेप्यास्त्र प्रहार गरेको जनाएको छ ।

    ती क्षेप्यास्त्र ‘सी अफ जापान’मा खसेको बताइएको छ ।यसअघि, बुधबार पनि उत्तर कोरियाले दुईओटा क्षेप्यास्त्र प्रक्षेपण गरेको थियो ।

    प्रतिकृया दिनुहोस्