News Portal

  • नेकपा सचिवालय बैठक निष्कर्षविहीन,अर्को बैठक २ सातापछि

    २९८ पटक

    काठमाडौं । सत्तारुढ दल नेपाल कम्युनिस्ट पार्टी (नेकपा) को सचिवालय बैठक सोमबार विना निष्कर्ष टुंगिएको छ ।

    पार्टीका विभिन्न विभाग र आयोगहरुको जिम्मेवारी टुंगो लगाउन डाकिएको बैठकमा सहमति हुन नसकेपछि बैठक १५ दिनका लागि सारिएको हो । सचिवालयको अर्को बैठक यही साउन २८ गते बस्ने जनाइएको छ ।

    स्कुल विभागको नेतृत्वका लागि पूर्वएमाले र पूर्वमाओवादी केन्द्र दुवै पक्षको अडान कायम रहेपछि बैठक २ सातापछि सारिएको हो । स्कुल विभागबारे सहमति जुटाउन नेताहरुबीच पटक–पटक छलफल भएपनि कुरा मिलेको छैन ।

    ज्येष्ठ नागरिक मञ्च, सल्लाहकार परिषद्, सम्पर्क मञ्चलगायतका निकायहरुमा भने सहमति भएको दाबी गरिएको छ ।

    प्रतिकृया दिनुहोस्