News Portal

  • गाँजा तस्कर र प्रहरीबीच गोली हानाहान, एक जना प्रहरी घाइते

    १०८ पटक

    काठमाडौं । मकवानपुरमा प्रहरी र गाँजा तस्करबीच गोली हानाहान भएको छ ।

    गाँजा तस्करको गोली लागेर नेपाल प्रहरीका असई नवीनविक्रम थापा घाइते भएका छन् । उनको अवस्था खतरामुक्त रहेको प्रहरीले जनाएको छ ।

    गएराति १२-१ बजेको समूहमा मनहरी-९ राप्तीखोलामा ५ जना तस्करको समूह रहेको र पक्राउ गर्न खोज्दा तस्करको समूहले प्रहरीमाथि गोली प्रहार गरेको प्रहरी महानिरीक्षकको सचिवालयका एसपी रमेश थापाले जानकारी दिए ।

    उनका अनुसार प्रहरीले गोली प्रहार गर्ने कुमार स्याङतानलाई पक्राउ गरेको छ । उनको साथबाट एउटा पेस्तोल, पाँच राउण्ड गोली र ३५ किलो गाँजा बरामद भएको छ ।

    घटनामा संलग्न अन्य ४ जना फरार भएका छन् । घटनाबारे जानकारी दिन प्रहरीले आज दिउँसो पत्रकार सम्मेलन गर्दैछ ।

    प्रतिकृया दिनुहोस्