News Portal

  • लिवियामा हवाइ आक्रमण, कम्तीमा ४० जनाको मृत्यु

    ३४६ पटक

    काठमाडौं । लिवियाको आप्रवासी हिरासत केन्द्रमा भएको हवाई आक्रमणमा परी कम्तीमा ४० जनाको मृत्यु भएको छ भने ८० जनाभन्दा बढी घाइते भएका छन् ।

    मारिने र घाइते हुनेमा अधिकाँश अफ्रिकन आप्रवासी रहेका छन् । राजधानी त्रिपोलीको पूर्वक्षेत्रको आप्रवासी हिरासत केन्द्रमा आक्रमण भएको हो ।

    हिरासत केन्द्रमा १२० जना आप्रवासी रहेको थिए । हालसम्म आक्रमणकारीको पहिचान हुन सकेको छैन । यद्यपि, घटनामा संयुक्त राष्ट्रसंघको समर्थन प्राप्त सरकारका प्रधानमन्त्री फयज अल सेरराले लिवियन नेशनल आर्मीको संलग्नता रहेको दाबी गरेका छन् ।

    लिवियन नेशनल आर्मी आफ्नै देशको समर्थन प्राप्त सरकार हुनपर्ने माग राखेर संघर्षरत छ । पछिल्ला वर्ष युरोप जान खोज्ने आप्रवासीका लागि लिबिया एउटा मुख्य प्रस्थानबिन्दु बन्ने गरेको छ ।

    प्रतिकृया दिनुहोस्