काठमाडौं । सरकारसँग प्रतिनिधिसभाका सांसदहरुले गुठी संस्थान खारेज गर्न माग गरेका छन् ।
प्रतिनिधिसभाका सांसद प्रेम सुवालले गुठी संस्थान खारेज गर्न सरकारसँग माग गरेका हुन् । बिहीबार संघीय संसदको कृषि, सहकारी तथा प्राकृतिक स्रोत समितिको बैठकमा भूमि सम्बन्धी विधेयकमाथिको दफावार छलफलमा भाग लिँदै उनले सम्पदा र संस्कृतिहरुको संरक्षण गर्ने अधिकार गुठीलाई दिने व्यवस्था खारेज गरेर सम्बन्धित स्थानीय तहलाई नै दिन पनि सरकारको गम्भीर ध्यानाकर्षण गराए ।
उनले नेपाल ट्रष्ट पनि तत्काल खारेज गर्न सरकारको ध्यानाकर्षण गराए । नेपाल ट्रष्टले गर्ने काम पनि स्थानीयतहले गर्ने भएकाले त्यसमा संघीय सरकारले हस्तक्षेप गरिरहनु नपर्ने उनको तर्क छ ।
अर्का सांसद पार्वत गुरुङले भूमिहिनहरुको समस्या समाधानका लागि ‘विशेष आवास क्षेत्र’ को व्यवस्था गर्न सरकारसँग माग गरे । उनले सुकुम्बासी समस्या समाधानका नाममा हुने वन क्षेत्रको विनाश रोक्न पनि सरकारलाईसचेत गराए ।
उनले वन क्षेत्रको अतिक्रमणले भूमिहिनहरुको समस्या समाधान नहुनेतर्फ पनि सरकारको गम्भीर ध्यानाकर्षण गराए ।
