News Portal

  • समयमा चिकित्सक नआउँदा बालिकाको मृत्यु, अस्पतालमा तालाबन्दी

    २३९ पटक

    महोत्तरी । उपचारका लागि अस्पताल पु¥याइएका बालिकाको मृत्यु भएपछि जलेश्वर अस्पतालमा तालाबन्दी गरिएको छ ।

    आइतबार बिहान ४ बजे जलेश्वर नगरपालिका-३ खैराका प्रमोद यादवकी ४ वर्षिय छोरी शिवानी यादवको मृत्यु भएपछि आफन्तले तालाबन्दी गरेका हुन् ।

    उपचारमा ढिलाई हूँदा बालिकाको मृत्यु भएको भन्दै पीडित परिवारले चिकित्सकको निवास, अस्पतालको प्रशासन र मुख्य गेटमा तालाबन्दी गरेका हुन् ।

    बिरामी जाँच्न् सहज होस् भन्ने उद्देश्यले अस्पतालमै चिकित्सकको निवास राखे पनि समयमा चिकित्सक नआउँदा मृत्यु भएको मृतकका आफन्तले गुनासो गरेका छन् ।

    बालिकालाई अस्पताल ल्याएको करिब १ घण्टापछि मात्र चिकित्सक आएर विरामीको उपचार त्यहाँ सम्भव नहुने बताएका थिए । त्यसको केही समयपछि बालिकाको मृत्यु भएको थियो ।

    प्रतिकृया दिनुहोस्