काठमाडौं । रसुवाको मैलुङ-स्याफ्रुबेसी सडकखण्डमा टाटासुमो दुर्घटना हुँदा ३ जनाको मृत्यु भएको छ भने ३ जना बेपत्ता भएका छन् ।
पोखराबाट रसुवाको गोल्जुङ जाँदै गरेको बा. १० च ५८२० नं.को टाटा सुमो हिजो साँझ कालिका गाउँपालिका-१ गुम्चेतमा दुर्घटना भएको हो ।
मृत्यु हुनेहरुमा गोल्जुङका ३२ वर्षिय नुर्बु तामाङ, ३२ वर्षिय साँईली घले र ३५ वर्षिय मेन्दो घले रहेका छन् । टाटासुमो सडकबाट करिब डेढ सय मिटर तल त्रिशुली नदीमा खसेको थियोे ।
जीपमा सवार ११ जनामध्ये ३ जना नदीमा वेपत्ता भएको बताइएको छ । सेना र प्रहरीको टोलीले बेपत्ता भएकाहरुको खोजी गरिरहे पनि फेला पार्न सकेको छैन ।
दुर्घटनामा घाइते भएका ५ जनामध्ये ३ जनालाई उपचारका लागि काठमाडौं ल्याइएको छ भने २ जनाको नुवाकोटमा उपचार भइरहेको प्रहरीले जनाएको छ ।
