News Portal

  • प्रधानमन्त्रीद्धारा प्रदेश मुख्यमन्त्रीहरुसँग आगामी वर्षको नीति तथा बजेट तयारीबारे छलफल

    ३७२ पटक

    काठमाडौं । प्रधानमन्त्री केपी शर्मा ओलीले ७ वटै प्रदेशका मुख्यमन्त्रीहरुसँग आज (बिहीबार) बिहान भेट गरेका छन् ।

    प्रधानमन्त्री निवास बालुवाटारमा भएको भेटघाटमा प्रधानमन्त्री ओलीले आगामी वर्षको नीति तथा कार्यक्रम र बजेट तयारी विषयमा मुख्यमन्त्रीहरुसँग छलफल गरेका हुन् ।

    प्रधानमन्त्रीका प्रेस संयोजक चेतन अधिकारीका अनुसार उनले नीति कार्यक्रम र बजेटका विषयमा स्थानीय, प्रदेश र केन्द्र सरकारका कार्यक्रम नदोहर्याउन सचेतसमेत गराए ।

    उनले भने,‘कार्यक्रमहरु नदोहोरिउन भनेर स्थानीय, प्रदेश र संघीय सरकारको सहभागितामा राष्ट्रिय समन्वय परिषदको बैठक आयोजना गर्नु पर्दछ । कुनै पनि कार्यक्रम एउटा मात्र निकायले सञ्चालन गर्नुपर्दछ ।’

    बैठकमा उनले अन्तरप्रदेश समन्वय परिषदको अघिल्लो बैठकले पास गरेका २९ बुँदाको कार्यान्वयन तदारुकताका साथ गरिने बताए । प्रधानमन्त्री ओलीले हुरी पीडित बारा र पर्साका बासिन्दालाई राहात र पुन : स्थापनाका लागि सबै प्रदेशलाई सहयोग गर्न आग्रह गरे ।

    प्रतिकृया दिनुहोस्