अनलाइन डबली
काठमाडौँ । युद्धमा फसेका नेपालीको उद्दारको लागि नेपाल वायु सेवा निगमको जहाज इजरायलको लागि उड्ने समय परिवर्तन भएको थियो । राति ११ बजे इजरायलको लागि उड्ने भनिएको निगमको वाइड बडी जहाज–३३० आज राति २ः३० बजे इजरायल उड्ने तय भएको छ ।
निगमका प्रवक्ता रमेश पौडेलका हवाई उडान तथा अवतरणका लागि आवश्यक सबै प्रक्रिया, रुट पर्मिटका साथै चार्टर्ड फ्लाइटका लागि इन्स्योरेन्स समेत सबै कार्य पूरा भइसकेका छन् । जहाज विहान करिब ९ः३० बजे इजरायल अवतरण गर्ने तालिका रहेको छ ।
जहाज दुबई ट्रान्जिट हुँदै इजरायल जान लागेको हो । रुट पर्मिट लिनुपर्ने भएकोले जहाज इजरायल जान केही ढिला भएको निगमले जनाएको छ ।
युद्धमा फसेका नेपालीको उद्दारमा ढिला भएपछि प्रधानमन्त्री प्रचण्डले बुधबार विहान पर्यटन मन्त्रीसहित निगमका अधिकारीसँग छलफल गरी तत्काल उडान गर्न निर्देशन दिएका थिए ।
