अनलाइन डबली
धनगढी । नेपाल कम्युनिस्ट पार्टी (माओवादी केन्द्र)को तीन महिने अभियान बाजुराका गाउँ बस्तीमा पनि पुगेको छ । पार्टीको ‘जनतासँग माओवादी विशेष रुपान्तरण’ अभियानको क्रममा माओवादी नेता कार्यकर्ताहरु बाजुराका गाउँगाउँ पुगेका हुन् ।
अभियानमा खटिएका माओवादी नेता तिलक परियारका अनुसार अभियान टोली तत्कालिन शाही नेपाली सेनाले १३ जनाको सामुहिक हत्या गरेको लमामा पुग्दा स्थानीयले भव्य स्वागत गरेका छन् ।
जिल्लाको जगन्नाथ गाउँपालिका वडा नम्बर २ लमाका सहिद परिवारले माओवादी नेताहरु पुनः गाउँ फर्केर आएकोमा खुशी व्यक्त गरेका छन् । “हामीलाई छोडेर जानुभएको यतिका वर्षपछि फेरि फर्किनुभयो खुशी भएका छौं । अब यसरी नछोड्नुहोला” सहिद परिवारले भने ।
त्यसैगरी बाजुरामा पाँच टोली अभियानमा खाटिएका छन् ।
