अनलाइन डबली
काठमाडौँ । नेपाल कम्युनिस्ट पार्टीको महासचिवमा उमा भुजेल ‘शिलु’ निर्वाचित भएकी छन् । शनिबार काठमाडौँमा सम्पन्न पार्टीको पहिलो राष्ट्रिय भेलाले भुजेलको नेतृत्वमा १०५ सदस्यीय केन्द्रीय समिति निर्वाचित गरेको हो ।
विप्लव नेतृत्वको नेकपाबाट अलग भएपछि ‘स्वधिनता समृद्धि र समानताका लागि कम्युनिस्ट एकता, समाजवादको आधार निर्माण आजको आवश्कता’ नारासहित भेलाको आयोजना गरिएको थियो ।
भेलामा महासचिव भुजेलले राजनीतिक प्रतिवेदन प्रस्तुत गर्नुभएको थियो । प्रदेश र जबसबाट आएका सुझावसहित पारित गरिएको महासचिव भुजेलले जानकारी दिनुभयो । राजनीतिक प्रस्तावमा अहिलेको आवश्यकता कम्युनिस्टहरुबचि सहकार्य एकता र पुनर्गठन उल्लेख गरिएको थियो । विचार मिल्नेसँग एकता र मुद्धा मिल्नेसँँग सहकार्य गर्ने भेलाले निर्णय गरेको छ ।
भेलाको महासचिव भुजेलले उद्घाटन गर्नुभएको थियो भने भेषराज भुसालको अध्यक्षतामा अध्यक्षमा मण्डल गठन गरेर बन्दशत्र सुरु भएको थियो ।
भेलाको सञ्चालन प्रज्जवलन र स्वागत चन्द्र खड्का ‘असल’ ले गर्नुभएको थियो ।
