अनलाइन डबली
काठमाडौं । सत्तारुढ गठबन्धनका शीर्ष नेताहरुको बैठकले सुन तस्करी प्रकरणमा उच्चस्तरीय छानबिन आयोगको माग छानबिन प्रक्रियालाई अबरोध गर्ने प्रयासस्वरुप आएको निष्कर्ष निकालेको छ ।
सोमबार साँझ बालुवाटारमा बसेको गठबन्धन दलको बैठकले नेकपा एमालेको मागअनुसार आयोग वा समिति गठन गर्न नसकिने निष्कर्ष निकालेको छ ।
नेकपा एकीकृत समाजवादीको उपाध्यक्ष राजेन्द्र पाण्डेले उच्च स्तरीय आयोगको माग्नु भनेको छानबिनलाई अवरोध गर्नु भएको बताए । उनले त्यस्तो माग सरकारले पूरा गर्न नसक्ने समेत बताए ।
त्यस्तै बैठकमा ललिता निवास प्रकरणमा अदालतले दिएको आदेश र गौर हत्याकाण्डको अनुसन्धानलाई कसरी अगाडि बढाउने भन्नेमा पनि शिर्ष नेताहरुबीच गम्भीर रुपमा छलफल भएको छ ।
काग्रेस सांसदले प्रधानमन्त्री र गृहमन्त्रीविरुद्ध बोलेको अभिव्यक्तिबारे पनि बैठकमा छलफल भएको बताइएको छ । त्यस्तै, सरकारको भविश्यबारे पनि बजार हल्लालाई फेस गर्न बैठकमा नेताहरु एकमत भएको एक नेताले बताए ।
