काठमाडौं । एमसीसीबारे चौतर्फी विरोध भइरहेको बेला गृहमन्त्री रामबहादुर ‘बादल’ले पनि मुख खोलेका छन् । बादलले हिन्द प्रशान्त रणनीतिमा समेटिए एमसीसी सम्झौतामा सहभागी नहेन बताए ।
सुरक्षा गोष्ठीमा सहभागी हुन सुर्खेत पुगेका गृहमन्त्री बादलले हिन्द प्रशान्त रणनीतिमा समेटिए एमसीसी सम्झौतामा सहभागी नहुने र त्यसको कार्यान्वयन नगर्ने बताए । उनले एमसीसीका कतिपय प्रावधानहरु असंगत रहेको बताउँदै नेपालको सार्वभौमिकता र स्वतन्त्रतालाई कुण्ठित पार्ने गरी पारित नगरिने बताए ।
अमेरिकी मिलेनियम च्यालेन्ज कर्पोरेशन (एमसीसी) बारे पहिलो पटक धारणा सार्वजनिक गर्दै बादलले कर्मचारी राख्नेदेखि लेखापरीक्षणलगायत विभिन्न प्रावधानहरुमा अमेरिकाको निर्णय मान्नुपर्ने बाध्यतालाई मान्न नसकिने बताए ।
गृहमन्त्री थापाले चीनले पनि नेपालको पूर्वाधार, जलविद्युत्त, राजमार्ग, सञ्चारलगायत क्षेत्रमा लगानी गर्न बिआरआईमार्फत रु ६० अर्ब बजेट लगानी गर्ने बताए ।
