काठमाडौं । अखिल क्रान्तिकारीका नेता नेतालाई प्रहरीले सर्वोच्च अदालतको गेटबाटै पुनः गिरफ्तार गरेको छ । विहीबार सर्वोच्चले रिहा गर्न आदेश दिएलगत्तै तीनै नेतालाई प्रहरीले पुनः गिरफ्तार गरेको हो ।
विप्लव नेतृत्वको नेपाल कम्युनिस्ट पार्टी निकट अखिल क्रान्तिकारीका केन्द्रीय सचिवालय सदस्य तथा लुम्बिनी संयोजक विरेन्द्र विक, शारदा भण्डारी र नयनसिंह खडकालाई प्रहरीले केही दिन पहिले नवलपरासीबा गिरफ्तार गरेको थियो । संगठनका शान्तिपूर्ण कार्यक्रममा रहेको बेला गिरफ्तार गरेको भन्दै अखिल क्रान्तिकारीले विरोध जनाउँदै आएको थियो ।
तीनै नेताहरुलाई प्रहरीले गैरकानुनी रुपमा गरेको भन्दै परिवारका सदस्यले सर्वोच्च अदालतमा बन्दी प्रत्यक्षीकरणको रिट दायर गरेका थिए । उक्त रिटमाथि सुनुवाई गर्दै सर्वोच्चले रिहा गर्न आदेश दिएको थियो ।
पुनः गिरफ्तार गरेर तीनै जनालाई कहाँ लग्यो भन्ने जानकारी परिवारलाई समेत प्रहरीले जानकारी नदिएको बताइएको छ । परिवारका सदस्यहरुले बेपत्ता पारेको आशंका व्यक्त गरेका छन् ।
