काठमाडौं । आज (शुक्रबार) बिहान बस दुर्घटना भएको छ । चाबहिल-जोरपाटी-बौद्ध-साँखु सडकखण्ड अन्तर्गत बौद्ध टुसालमा बस दुर्घटना भएको हो ।

आलापोटबाट रत्नपार्क आउँदै गरेको साँखु गणेश भैरव यातायातको बा ४ ख ५९३२ नं.को बस बिहान साढे ९ बजेतिर दुर्घटना भएको बौद्ध प्रहरीले जनाएको छ । दुर्घटनामा परी १७ भन्दा बढी यात्रु घाइते भएको र उनीहरुको स्थानीय अस्पतालमा उपचार भइरहेकोे छ ।

महानगरीय प्रहरी वृत्त बौद्धका अनुसार बस अनियन्त्रित भएर सडकमै पल्टिएको हो । बसका चालक भने नियन्त्रणमा रहेको प्रहरीले जनाएको छ ।