काठमाडौं । यस बर्षको माध्यमिक शिक्षा परीक्षा (एसईई) को नतिजा केही ढिला आउने भएको छ ।

यसअघि असार पहिलो हप्ताभित्र आइसक्नुपर्ने हो । राष्ट्रिय परीक्षा बोर्डका अनुसार यसपटक असार तेस्रो साता सार्वजनिक गर्ने तयारी भइरहेको छ ।

शिक्षक आन्दोनका कारण उत्तरपुस्तिका परीक्षण ढिला हुँदा नतिजा सार्वजनिक दुई हप्तापछि धकेलिएको हो ।
बोर्डका अनुसार अहिले उत्तरपुस्तिका परीक्षण अन्तिम चरणमा पुगेको छ ।

एसईई परीक्षा गत ७ चैतदेखि सञ्चालन भएको थियो । परीक्षामा नियमिततर्फ ४ लाख ३१ हजार ४६६ र ग्रेडवृद्धितर्फ ६७ हजार ७१५ गरी जम्मा ४ लाख ९९ हजार १८३ विद्यार्थी थिए ।