अनलाइन डबली
काठमाडौं । नेकपा (एमाले) कर्णाली प्रदेशको अध्यक्षको लागि पाँच नेता प्रतिस्पर्धामा उत्रेका छन् । सर्वसम्मत नेतृत्व चयन गर्ने हेडक्वाटरको प्रयास असफल भएपछि चुनावबाटै नेतृत्व चयन गर्ने पक्का भाएको हो ।
अध्यक्षमा उम्मेदवारी दिएका पाँचै जना नेता पछि हट्न तयार छैनन् । निर्वाचन तालिकाअनुसार बिहान ८ बजे उम्मेदवारको अन्तिम नामावाली प्रकाशन गर्ने बताइएको छ ।
त्यस्तै दिउँसो १२ बजे मतदान सुरु हुने निर्वाचन तालिकामा उल्लेख छ ।
अध्यक्षका लागि गुलावजंग शाह, मीनबहादुर शाही, राजबहादुर शाही, प्रेमबहादुर सिंह र प्रकाश रोकायाले उम्मेदवारी दर्ता गराएका छन् ।
आज हुने निर्वाचनले एमाले कर्णालीमा पाँचजना पदाधिकारी सहित १३५ सदस्यीय कमिटी निर्वाचित गर्नेछ । अधिवेशनमा कर्णालीका १० जिल्लाबाट ६०४ प्रतिनिधिहरु रहेका छन् ।
