अनलाइन डबली
मुगु । जिल्लाको उत्तरपुर्वी भेगमा पर्ने मुगुमकार्मारोङ्ग गाउँपालिकमा रहेका स्थानीय मुगल, लामा तथा तामाङ्ग, कमारोङ्गलगायतका जनजाति समुदायले पुर्खा देखी मनाउँदै आएको सोनाम लोसार एक हप्तासम्म विविध कार्यक्रमको आयोजना गरी मनाएका छन् । उनीहरुले सोनाम लोसारलाई चाडको रुपमा भव्यसँग मौलिक रुपले मनाउँने गर्दछन् ।
मुगुमकार्मारोङ्ग गाउँपालिकामा रहेको ९ वटा वडामध्ये ८ वडामा जनजाति समुदाय बसोबास गर्दछन् । उनीहरुले सोनाम लोसार विविध कार्यक्रम आयोजना गरी एक हप्तासम्म मनाएका छन् । आज लोसारको अन्तिम दिन हो ।
वडा नम्बर १ देखी ८ सम्म जनजाती तथा बौद्ध धर्मावलम्बीहरुको बसोबास रहेको छ । एक हप्तासम्म लोसारलाई मिठो खाने,धनुषबाण लगायत विविध खेलहरु खेल्ने,रमाइलो गर्ने,आफन्त र मान्यजनसँग भेटघाट र आर्शिवाद लिने, गुम्वामा पूजापाठ गर्ने जस्ता विविध कार्य गरी मनाएको मुगुमकार्मारोङ्ग गाउँपालिकाका अध्यक्ष छिरिङ क्याम्ने लामाले जानकारी दिए ।
सो क्रममा प्रत्येक वडामा धनुष खेल्ने तथा स्थानीय लामा देउडा गाउँने, पुराना बाजा बजाई मौलिक पहिरनमा सजिएर नाचगान गर्ने लगायतका विविध मनोरञ्जनात्मक र सास्कृतीक कार्यक्रमको आयोजना गरीएको हो ।
उनीहरुले यो चाडलाई प्रकृतिसँग जोडेर मनाउँदै आएका छन् । अषाढमा लगाएको खेतीलाई मंसिमा भित्र्याएर पुषमा नयाँ अन्नबाट परिकार बनाई खाने,आफू र आफ्नासँग समय व्यतित गर्ने महिनाको रुपमा पुष महिनालाई महत्व दिँदै आएको स्थानीय बताउँछन् ।
कार्मारोङ गाउँपालिकाकामा बसोबास गर्ने दोल्फु, चिताई, पुअ, ताखा, खारी, कार्ती, किर्मी, माग्री, मह, रिउस, दाउरालगायत सदरमुकाम गमगढी बस्ने लामा, मुगल, तामाङ जस्ता जनजाती समुदायमा सोनाम लोसार हर्ष उल्लासका साथ मनाउने प्रचलन छ।
