काठमाडौँ । देशका केही मुख्य नदीहरूमा बाढीले खतरा तह पार गर्ने चेतावनी दिइएको छ। जल तथा मौसम विज्ञान विभागको बाढी पूर्वानुमान महाशाखाले बागमती, पश्चिम राप्ति, नारायणी,बबईमा बाढीले शनिबार खतरा तह पार गर्ने चेतावनी दिएको हो।

विभागले ती नदीहरूको आसपासका क्षेत्रमा सतर्कता अपनाउन आग्रह गरेको छ। बागमतीको पधेरादोभान, पश्चिम राप्तिको कुसुम ,नारायणीको देवघाट र बबईको चेपाङमा सतर्कता अपनाउन आग्रह गरिएको छ।

त्यस्तै कन्काई नदीको मैनाचुली र कमला नदीको वेलसोत क्षेत्रमा शुक्रबार सतर्कता अपनाउन आग्रह गरिएको छ।