अनलाइन डबली
काठमाडौं । रामेछापमा पहिरोमा परी २ जनाको मृत्यु भएको छ । दोरम्बा सैलुङ गाउँपालिका–३ लेकखर्क पहरी गाउँमा गएराति पहिरो खस्दा कम्तीमा ३ घर बगाउँनुको साथै २ जनाको मृत्यु भएको छ ।
जिल्ला प्रहरी कार्यालय रामेछापका अनुसार गएराति परेको भीषण वर्षासँग खोलाको कटानले पहिरले ३ घर बगाएको हो ।
घटनास्थलबाट २ जनाको शव भेटिएपनि कम्तिमा पनि ५ जना बेपत्ता भएको प्रहरीले जनाएको छ । तर स्थानीयले ११ जना बेपत्ता भएको आशङ्का गरेका छन् ।
वर्षाका कारण वडा २ र ३ जोड्ने अँधेरी खोलाको पक्की पुल बगाउँदा घटनास्थलसम्म पुग्न समस्या प्रहरीले जनाएको छ ।
