अनलाइन डबली
काठमाडौं । हुम्लाको सर्केगाड गाउँपालिकाका उपाध्यक्ष तथा नेकपा (माओवादी केन्द्र) कर्णाली प्रदेश समिति सचिवालय सदस्य चन्द्रसिंह कार्की ‘मुक्ति’को मृत्यु भएको छ । भेरीगंगा नगरपालिका–५ मा भएको गाडी दुर्घटनामा घाइते भएका कार्कीको गयराति उपचारको क्रममा मृत्यु भएको माओवादी केन्द्रका हुम्ला जिल्ला पार्टी संयोजक डा.दीपेन्द्र रोकायाले जानकारी दिए ।
सुर्खेतबाट नेपालगन्ज जाँदै गरेको कर्णाली प्रदेश ०२००१ ख १०११ नम्बरको फोर्स गाडी दुर्घटना हुँदा २४ जना यात्रु घाईते भएका थिए । उक्त दुर्घटनामा हुम्ला ताजाकोट गाउँपालिका अध्यक्ष एवम् सो पार्टीका कर्णाली प्रदेश समिति सहसचिव लालकेश जैशीको घाइते भई उपचाररत छन् ।
