सिन्धुलीमा भएको बोलेरो जिप दुर्घटनामा मृत्यु हुनेको संख्या ३ पुगेको छ । वीपी राजमार्गअन्तर्गत कमलामाई नगरपालिकामा आज बिहान गोलञ्जोरबाट सिन्धुलीतर्फ आउँदै गरेको  बा २० च ८२८३ नम्बरको बोलेरो दुर्घटना हुँदा सिन्धुली गोलञ्जोर गाउँपालिका–६ नाकाजोलीका ४२ वर्षे पृथ्वी भुजेल, सोही ठाउँका ४५ वर्षे उदयबहादुर मस्राङ्गी र ३५ वर्षे पवन मस्राङ्गीको मृत्यु भएको जिल्ला प्रहरी कार्यालय सिन्धुलका प्रमुख एसपी गोविन्द काफ्लेले बताए । दुर्घटनामा जिप चालक गोलञ्जोर–६ का ३२ वर्षका टीकाजंग राईसहित ११ जना घाइते भएका छन् । चालकसहित ११ जना घाइतेहरूको उपचारकालागि सिन्धुली अस्पताल लगिएको छ ।