अनलाइन डबली
काठमाडौं । नुवाकोटको शिवपुरी गाउँपालिका वडा नम्बर-७ सूर्यचौरमा हेलिकप्टर दुर्घटना भएको छ ।
जिल्ला प्रहरी कार्यालयका नुवाकोटका अनुसार एयर डाइनेस्टीको हेलिकप्टर सूर्यचौरमा दुर्घटनामा परेको हो । उक्त हेलिकप्टर जलेको अवस्थामा भेटिएको स्थानीयले जानकारी दिएका थिए ।
हेलिकप्टरमा ५ जना सवार रहेको बताइएको छ । हेलिकप्टर क्याप्टेन अरुण मल्लसहित पाँच जनाकाे दुर्घटनामा परी मृत्यु भएकाे बताइएकाे छ ।
काठमाडौंबाट रसुवा स्याप्रुङबेँसीका लागि उडेको उक्त हेलिकप्टर एयरपोर्टबाट उडेको ३ मिनेटमै सम्पर्कविहीन भएको थियाे । चार चिनियाँ नागरिक सवार थिए ।
नुवाकाेट प्रहरीका अनुसार दुई पुरुष, एक महिला, र अर्का एकजना चिन्न नसकिने अवस्थामा रहेको बताए ।
