काठमाडौँ । सौर्य एयरलाइन्सको जहाज दुर्घटना भएको छ । बुधबार विहान ११ बजेतिर त्रिभुवन विमानस्थलबाट पोखराको लागि रनवेबाट उड्ने क्रममा दुर्घटनामा परेको हो ।

विमानस्थलका प्रवक्ता प्रेमनाथ ठाकुरले पनि जहाज दुर्घटना भएको पुष्टि गरे । तर, क्षतिको विस्तृत विवरण आउने भने सकेको छैन ।
उक्त विमानमा चालक दलका सदस्यसहित १९ जना रहेको ठाकुरले बताए ।

अहिले विमानस्थलमा आगलागी भइ धुवाँ उडिरेहेको छ । सुरक्षाकर्मी र विमानस्थलका फायरफाइटरहरु आगो निभाउन लागि परेका छन् ।