काठमाडौं । लुम्बिनीका मुख्यमन्त्री जोखबहादुर महराले आज विश्वासको मत लिने भएका छन् ।

मुख्यमन्त्री महराले विश्वासको मत लिने जानकारी गराएपछि आज दिउँसो १ बजे प्रदेशसभाको बैठक बोलाइएको छ ।

प्रदेश सभा सचिव दुर्लभकुमार पुनका अनुसार मुख्यमन्त्री महराले भोलिको बैठकमा विश्वासको मतसम्बन्धी प्रस्ताव पेश गर्ने र सो प्रस्तावमाथि छलफल भई उठेका प्रश्नहरुको जवाफ दिने सम्भावित कार्यसूची रहेको छ ।

नेपाली काँग्रेस र नेकपा एमालेबीच केन्द्रमा सत्ता सहकार्य गरेरपछि सबै प्रदेशमा समिकरण बदलिएको छ । लुम्बिनी प्रदेश सरकारमा सहभागी एमालेले समर्थन फिर्ता लिएसँगै मुख्यमन्त्री महरा अल्पमतमा परेका थिए । सरकारमा सहभागी एमालेका पाँच जना मन्त्रीले असार २० गते राजीनामा दिएका थिए ।