अनलाइन डबली
काठमाडौँ । प्रधानमन्त्री प्रचण्ड र नेकपा एमालेका अध्यक्ष केपी शर्मा ओलीबीच फेरि भेटवार्ता भएको छ । सोमबार विहान
ओली प्रधानमन्त्रीलाई भेट्न बालुवाटार पुगेका थिए । आइतबार सिंहदरबारमा प्रचण्ड र ओलीबीच भेटवार्ता भएको थियो । पछि रास्वपाका सभापति रवि लामिछानेलाई पनि बोलाइएको थियो ।
नेपाली काँग्रेसका सभापति शेरबहादुर देउवा र एमाले ओलीबीच बलकोटमा भएको भेटवार्ताले राजनीतिक वृतमा तरंग ल्याएको थियो । सभापति देउवाले सरकार परिवर्तनको लागि कसरत गरिरहेको बेला भएको भेटले चर्चा पाएको थियो । यो भेटलाई सत्ता समीकरण फेरिने हल्ला चलेपछि प्रचण्ड र ओलीबीच लगातार भेटवार्ता भइरहेका छन् ।
बालुवाटार स्रोतका अनुसार दुई नेताबीच सरकारलाई प्रभावकारी बनाउन र सत्ता समिकरणलाई थप बलियो बनाउनेबारे छलफल भएको छ ।
“अहिले बाहिर जसरी हल्ला चलाइएको छ, त्यस्तो केही होइन शिर्ष नेताहरुबीचको भेटलाई स्वाभाविक रुपमा लिनुपर्छ । देउवा र ओलीबीचको भेटवार्ता पनि त्यही हो । सरकारमा सहभागी मुख्य घटक दलका अध्यक्षबीच सरकारलाई थप बलियो, टीआरसीलगायतका विषयमा छलफल भएको छ” स्रोतले भन्यो ।
