अनलाइन डबली
काठमाडौं । नागरिक उन्मुक्ति पार्टीकी अध्यक्ष रन्जिता श्रेष्ठ र पती रेशम चौधरीबीचको लडाइँ नयाँ चरणमा प्रवेश गरेको छ । श्रेष्ठ मन्त्री बन्ने तयारीमा रहेको बेला संसदीय दलको नेताबाट हटाउने निर्णय गरिएको छ ।
पार्टीका पूर्वअध्यक्ष तथा पति चौधरीले यसअघि नै संसदीय दलको नेताबाट हटाउन चाहेका थिए । तर, बहुमत जुटाउन सकेका थिएनन् ।
आइतबार बसेको पार्टीको संसदीय दलको सचिवालय बैठकले बहुमत सदस्यको उपस्थितिमा श्रेष्ठलाई संसदीय दलको नेताबाट हटाएको हो ।
संसदीय दलको निर्णय संसद् सचिवालयलाई गराउने तयारी रहेको छ । रञ्जितालाई दलको नेताबाट हटाउने निर्णयमा गंगाराम चौधरी डगौरा, अरूणकुमार चौधरी र लालवीर चौधरीले हस्ताक्षर गरेका छन्।
बैठकले गंगाराम चौधरी डगौंरालाई संसदीय दलको नेताको जिम्मेवारी दिएको छ । प्रमुख सचेतक लालवीर चौधरीलाई बनाइएको छ । लालवीर नाउपाका संरक्षक रेशम चौधरीका बुबा हुन्। यसअघि गंगाराम प्रमुख सचेतक थिए ।
प्रतिनिधि सभामा नाउपाका चार सांसद रहेका छन् ।
