अनलाइन डबली
काठमाडौं । नेकपा एकीकृत समाजवादीको महाधिवेशन सुरु भएको छ । भृकुटीमण्डपस्थित राष्ट्रिय सभा गृहमा महाधिवेशन सुरु भएको छ ।
महाधिवेशनमा प्रधानमन्त्री पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा, सीके राउत, उपेन्द्र यादव, रवि लामिछानेलगायत पुगेका छन् । यता प्रमुख सत्तारुढ दल नेकपा एमालेबाट भने कुनै पनि नेता उपस्थित भएका छैनन् ।
असार १६ देखि २० गतेसम्म काठमाडौंमा आयोजना हुने महाधिवेशनका लागि ७७ जिल्ला र विभिन्न संगठनबाट एक हजार आठ सय प्रतिनिधि छानिएका छन् । यी प्रतिनिधिहरुले वरिष्ठ उपाध्यक्षसहित २१ पदाधिकारी र २९९ सदस्यीय केन्द्रीय समिति चयन गर्ने छन् ।
नेकपा एमालेबाट अलग भएर गठन गरिएको एकीकृत समाजवादीले पहिलो पटक महाधिवेशन गर्न लागेको हो । पार्टीले एमालेकै निरन्तरताबाट एकीकृत समाजवादी जन्मेको हुनाले यस महाधिवेशनलाई दशौं महाधिवेशन भनेको छ ।
अन्य सबै राजनीतिक दलका शिर्ष नेताहरु महाधिवेशन सफलताको शुभकामना दिन प्रज्ञा भवन पुगेपनि एमालेको कुनैपनि नेता त्यहाँ देखा परेनन् । विभाजन र राजनीतिक इगोकै कारण एमाले अनुपस्थिति भएको बताइएको छ ।
तर, एकीकृत समाजवादीका नेताहरु एमाले अध्यक्ष केपी शर्मा ओलीको संक्रिणता र अस्तित्व स्वीकार गर्न नसकेकै कारण एमाले अनुपस्थित रहेको बताएका छन् ।
