अनलाइन डबली
काठमाडौँ । नेकपा (माओवादी केन्द्र)बाट चुनाव जितेका फणिन्द्र देवकोटा मन्त्री बनेका छन् । गण्डकी प्रदेशका मुख्यमन्त्री सुरेन्द्रराज पाण्डेले फ्लोर क्रस गरेर विश्वासको मत दिएका देवकोटालाई मन्त्रीमा नियुक्त गरेका हुन् ।
मुख्यमन्त्री पाण्डेको सिफारिसमा प्रदेश प्रमुख डिल्लीराज भट्टले देवकोटालाई ऊर्जामन्त्री नियुक्त गरेका थिए । उनलाई आजै शपथ खुवाएका छन् ।
देवकोटाले माओवादी केन्द्रले जारी गरेको ह्वीप जारी गरेको थियो ।
त्यसैगरी पाण्डेले दिपक मनाङेलाई भौतिक पूर्वाधारमन्त्रीको शपथ खाएका छन् ।
सोमबार मुख्यमन्त्री पाण्डेले सोमबार विश्वास मत लिने क्रममा देवकोटा र मनाङेले फ्लोर क्रस गरेर मत दिएका थिए । पाण्डेले कांग्रेसका २७, राप्रपाका २, मनाङे र देवाकोटाले विश्वास मत दिएका थिए । विश्वासको मत दिएको राप्रपा भने सरकारमा सहभागी नहुने भएको छ ।
गण्डकीमा यसअघि कांग्रेसबाट विन्दुकुमार थापा सामाजिक विकास र टकराज गुरूङ आर्थिक मामिला मन्त्री बनेका थिए ।
