अनलाइन डबलीसुर्खेत । सुर्खेतबाट कालिकोट जाँदै गरेको जिप दुर्घटना भएको छ । बिहीबार राति २ बजे भएको उक्त दुर्घटनामा परी २ जनाको मृत्यु भएको सुर्खेत प्रहरीले जनाएको छ । उद्दार गरिएको २ जनाको अवस्था चिन्ताजनक रहेको छ ।
सुर्खेतबाट कालिकोट जाँदै गरेको भे १ च २५६० नम्बरको बोलेरो जिप सुर्खेत–दैलेख सडकखण्ड अन्तर्गत वीरेन्द्रनगरस्थित रातानाङ्गला नजिकै दुर्घटना भएको प्रहरीले जनाएको छ ।
जिप सडकबाट ३ सय मिटर तल खसेको अवस्थामा भेटिएको छ । दुर्घटना राति भएकोले ढिलो उद्दार भएकोले बढी क्षति हुन सक्ने प्रहरीले जनाएको छ ।
जिपमा ८ जना सवार रहेको अनुमान गरिएको छ । उद्दार कार्य जारी रहेको छ ।
